Versión de Whole Lotta Love

Se con unha canción de Led Zeppelin comenzavamos co proxecto deste blog musical nesta entrada, hoxe mostramosvos unha abraiante versión dun tema coñecidísimo desta banda. A canción en cuestión é Whole Lotta Love que abre o segundo álbum da banda, Led Zeppelin II publicado en 1969, un dos seus temas máis exitosos.

A versión que vos mostramos corre a cargo de Michael Winslow, que seguramente non vos sone polo nome, nin pola sua música, xa que a sua profesión é a de actor. O papel polo que todos o coñecemos é polo do Sarxento Larvell "Motor Mouth" Jones nas películas Tola Academia de Policia. Nesta versión utiliza a sua voz para emular os instrumentos da canción, agas o son da guitarra, e a vez cantar imitando a Robert Plant, unha auténtica xenialidade que parece incrible dun home a quen apodan "o home dos 10000 sons", non sen motivo.