Versión de With a little help from my friends

Hoxe recordaremos todo un clásico do rock convertido en versión, falamos do xenial tema With a little help from my friends dos pouco alabados neste blogue The Beatles. Neste caso a versión corre a cargo do inglés Joe Cocker, de quen xa falamos na versión de Summer in the city.

A canción orixinal foi composta por Lennon e McCartney, e cantada por Ringo a petición dos seus compañeiros. Un fermoso tema que semella ser unha conversa entre o cantante e un grupo de persoas. Un enorme temazo incluido no disco (recomendado neste blogue) "Sgt. Pepper's Lonely Hearts Club Band" de 1967.


Neste caso a versión data do ano 1968, cunha restructuración radical da canción, unha longa introducción instrumental e coa colaboración de Jimmy Page como guitarra solista, convirteuse no clásico que nos coñecemos, dispuntandolle a fama a orixinal.

Nos poderemos velo nun emplazamento idílico na historia do rock, o festival de Woodstock do 69, onde Joe Cocker, visiblemente afectado por algunha que outra sustancia, presenta a voz desgarrada e conmovedora a sua reinterpretación do clásico dos Beatles. Unha incrible interpretación de pasión e sentimento no escenario.

A canción clave para o desenvolvemento do Heavy Metal

Moitos son os que consideran que o heavy metal nace a partir do grave són das guitarras de Black Sabbath, pero nesta afirmación hai que facer un inciso, existe antes deles un tema que marcaría o camiño a seguir no desenvolvemento deste xénero, a canción Helter Skelter.

Helter Skelter tratase dunha canción dun grupo que fixo e desfixo no mundo da música, The Beatles. Unha banda saida da cidade inglesa de Liverpool que pouca presentación precisa, xa que se trata da banda máis exitosa e aclamada da historia a pesares de que tan só estiveron xuntos dez anos, de 1960 a 1970. Fixemos fai un tempo unha recomendación do seu mellor disco, o mellor disco de todos os tempos según a revista Rolling Stone.

Esta canción publicada en 1968 no disco "The White Album, foi escrita por Paul McCartney coa intención de facer un tema cun són tan forte e sucio como fora posible. A idea ocurreuselle lendo un artigo da revista Guitar Player onde contaba que The Who acababa de publicar un tema extremadamente salvaxe e estridente. McCartney deseoso de explorar todas as vertentes do rock, decidiu compoñer algo que se axustase a descripción, superandoo se fose posible.

Versionada por unha lista interminable de artistas, converteuse nun temazo que marcou o comenzo do camiño que tantisimas bandas seguiron despois.


O nome da canción fai referencia a un tobogán en espiral, propio dos parques británicos, e o propio McCartney dixo dela que utilizou o tobogán como un símbolo de caída e decadencía.

Podedes ver a lista dos artistas que a versionaron.

Disco recomendable II: Sgt. Pepper's Lonely Hearts

Sgt. Pepper's Lonely Hearts Club Band publicado en 1967 é o octavo disco da banda inglesa The Beatles. Banda de Rock formada en Liverpool en 1960 por John Lennon, Paul McCartney, George Harrison e Ringo Starr, é considerada como a banda máis exitosa e aclamada da historia.

Este álbum é citado pola crítica como unha das mellores obras dos Beatles e un dos discos máis influintes da historia, ocupando o primeiro posto da lista dos 500 mellores ábums de todos os tempos pola revista Rolling Stone.

Nas 13 cancións do álbum levase ó límite o concepto do rock, agregando orquestacions, instrumentos hindús, grabacións tocadas o revés e sons de animais. Rock, music hall, baladas, jazz e ata música oriental mezclaronse na realización do disco.


O albúm destacaba tanto pola sorprendente música como pola portada na que os catro Beatles aparecian disfrazados de sarxentos, diante dun collage de rostros célebres entre os que se atopaban Marilyn Monroe, Marlon Brando, Edgar Allan Poe, Aleister Crowley, Bob Dylan ou Karl Marx. Ademáis foi o primeiro disco que se vendeu coas letras das cancións impresas por petición expresa dos músicos.

Parecen razóns suficientes para escoitalo, de aperitivo "A Day in the Life", disfrutade.



Por se sodes curiosos, a lista completa das imaxes da portada.