O Festival Independente de Vilalba, que xa vai pola súa quinta edición, confimou os grupos que actuarán na edición de 2012 e a data na que se celebrará. A novidade máis destacable refírese á duración do evento, que medra e duplica a súa duración ata os dous días, do venres 30 ao sábado 21 de marzo.
Se o ano pasado os cabezas de cartaz foron sen dúbida os andaluces Lori Meyers, este ano a cousa non está tan clara. O primeiro día actuarán Catpeople, Delafé y las Flores Azules, Corizonas e Grises, e o segundo Sidonie, El Columpio Asesino, Fuel Fandango e Eme DJ. Case todos eles son grupos de primeiro nivel.
O panorama da música en directo en Galicia ten cada día mellor pinta; medran as ofertas e medra a calidade. E todo a prezos asequibles ou, como no caso do FIV, de balde. Así dá gusto.
No hay comentarios:
Publicar un comentario