Resulta que este home tivo unha carreira antes de formar Mötorhead, onde despois de uns primeiros anos de carreira durante os 60's en pequenos grupos do norte de Inglaterra deu o salto no 71 a banda Hawkwind. Unha banda inglesa de rock psicodélico (pioneira do chamado rock espacial) onde compaxinaba a faceta de baixista coa de cantante ocasional.
Pois ben, ala polo ano 1975, tras acadar o maior éxito da banda cun tema de Lemmy como cantante (Silver Machine), durante unha xira por Estados Unidos e Canada aconteceu unha historia case subrealista. A banda despediu a Lemmy por tomar drogas distintas as que tomaba o resto, o que según eles, lles resultaba moi difícil traballar xuntos, porque cada un estaba coa sua onda distinta. A banda con drogas psicodelicas (marihuana, fungos) e Lemmy con anfetaminas e speed.
Según o propio implicado, no documental que leva o seu nome (moi recomendable), os feitos sucederon deste xeito.
De camiño a Detroit, pararon para comer, el a causa das anfetas nunca tiña fame polo que foi dar unha volta. Nun edificio en construcción o golpearon deixando inconsciente. Cando recuperou a consciencia, roubaranlle todo o que levaba. Ao volver a ruta onde terían que estar os seus compañeiros o bus xa non estaba, a banda marchara sen el, abandonarano. Chegou ó hotel cruzando o estado de Michigan a dedo. Durmeu apenas duas horas e deu o concerto coa banda que o abandonara unhas horas antes.
O día seguinte en Canada, arrestarono por posesión de anfetaminas, onde botou dous días en prisión ata que lle pagaron a fianza. Pagouna a banda, tan só porque o seu sustituto non chegara para dar o concerto. Tocou con eles esa noite e as catro da maña o despediron.
Ese esnobismo polas drogas costoulle o seu posto na banda. Pero como non hai mal que por ben non veña, decideu formar o seu propio grupo, Mötorhead, co nome do último tema que compuxera para Hawkwind. Convertindose deste xeito nun dos grupos máis importantes no deselvolvemento do rock e do heavy metal. E nun músico convertido en lenda.
No hay comentarios:
Publicar un comentario