Adianto do novo disco de Slash

Xa podemos escoitar o que é o primeiro adianto do novo disco do xenial guitarrista inglés Slash. Tras triunfar en Guns N' Roses ,ata que se disolveron por problemas con Axel Rose, creou Velvet Revolver con ex-membros de Guns N' Roses, onde continuan buscando un cantante tras a marcha de Scott Weiland (tranquilos vai para rato).

A pesar do parón en Velvet Revolver seguiu traballando na sua carreira por solitario, publicando no 2010 un curioso disco no que en cada tema contaba coa colaboración de artistas da talla de Ozzy Osbourne, Fergie, Chis Cornell, Lemmy Kilmister, Dave Grohl, Kid Rock, Iggy Pop ou Myles Kennedy.

Este último, Myles Kennedy, será o encargado de cantar en todas as cancións do novo disco, chamado "Apocalyptic Love", ó que poderemos botarlle a man o día 22 de maio. Polo momento contentarnos con este tema de adianto para abrir boca, "You're A Lie". Puro estilo Slash.